Xiinxala Hirmaattota Daldala Gabaa Bunaafi Danqaawwan Dhiyeessii Keessatti Mul’atan: Goodina Wallagga Bahaa Irratti Kan Xiyyeeffate

Abstract

Kaayyoon qorannoo kanaa, danqaawwan oomishaafi gabaa bunaa Godina Wallaggaa Bahaa keessa jiru adda baasun xiinxaluudha. Ragaaleen qorannoo kana irra argamu, akkamitti damee oomisha bunaa guddisuun akka itti danda’amu yaada kennuuf gargaara. Galteen qorannoo kanaa gaafannoo barreeffamaa fayyadamtoota bunaa 620 fi oomishtoota bunaa 482 irraa funaaname. Dabalaatanis sakkata’insa barruu taasifneerra. Akka qorannoon kun ifa baasetti, oomishtoonni bunaa gatii madaalawa ta’e yeroo baay’ee waan hin arganneef quuqama qabu. Kan biroon immoo, daldaltoota al-ergiifi baaburrii buna qishiru dhibuufi waldaan hojii gamtaafi yuuniyeeniin immoo tasuma gabaa bunaa keessatti hirmaachuu dhabuun, bunni Wallaggaa Bahaa akka gara gabaa giddu-galeessaatti hin dhiyyaanneef sababa ta’uu mala. Bakki gabaa bunaa gidduu galeessa Finfinnee irraa fagaachuun isaammoo rakkoo kana haalaan hammeesseera. Kunis walitti dhufeenyi warshaa buna qishiru (piroosesarootaa)fi al-ergitoota waliin jiru daraan cimsuu akka qabu gaafata